Elorrio TST - Hasiera

Unesco Etxea gure Institutuan

Andrew Rickard eta Eider Huertas adituek egin dute ‘Ingurumenaren biografiak’ proiektua. Egileek Australiatik Euskal Herrira bidaiatu dute, lehorrez eta itsasoz. Bidaian, hainbat herrialdetako pertsonen bizitza-testigantzak jaso dituzte, eta pertsona horiek ingurunearekin dituzten harremanak aztertu.

Iaz, ‘Ingurumen-biografiak’ erakusketan azaldu zuten beren bizi-esperientzia. Erakusketak, panelez baliatuta, ingurunean ezagutu dituzten aldaketak azaltzen dituzte hainbat herrialdetako pertsonek: Aral itsasoaren lehortzea, Kanbodiako arrantza-arazoak, eta Mongolian aldaketa klimatikoak eragindako baliabide-eskasia, besteak beste.

Zientzia Udalekuak 2010

Elhuyar Fundazioak urte asko darama gazteen artean zientzia era atseginean zabaltzen, eta 2010eko udan Zientzia Udalekuak jarriko ditu martxan, Eusko Jaurlaritzako Hezkuntza Sailaren laguntzarekin.
Udalekuaren ardatza da aisialdia eta zientzia-ekintzak eta -tailerrak uztartzea. Uztailean antolatuko dira, astebeteko hiru txandatan. Txanda bakoitzean, 50 gaztek parte hartuko dute, hau da, ekimenak guztira 150 parte-hartzaile izango ditu. Lehen bi asteak 12-14 urte bitarteko gazteentzat izango dira, eta hirugarren astea 14-16 urtekoentzat.